მსოფლიოში ცნობილ დანიელ რეჟისორს ლარს ფონ ტრიერს 66 წლის ასაკში პარკინსონის დაავადების დიაგნოზი დაუსვეს. იტყობინება გამოცემა Copenhagen Post-ი.
"ლარსი თავს კარგად გრძნობს, მკურნალობს დაავადების სიმპტომებს, რათა დაასრულოს თავისი პროექტი „სამეფო“. ავადმყოფობის გამო, ლარსი ინტერვიურების რაოდენობას შეზღუდავს პროექტის პრემიერამდე, რომელიც წელს არის დაგეგმილი", - ნათქვამია საპროდიუსერო კომპანიის განცხადებაში, რომელიც ფონ ტრიერის ფილმების დისტრიბუციას ახორციელებს.
სერიალ "სამეფოს" ფინალური სეზონის პრემიერ 31 აგვისტოს არის დაგეგმილი, ის ვენეციის კინოფესტივალის ფარგლებში გაიმართება.
ლარს ფონ ტრიერი ცნობილია კინოფილმებით "დოგვილი", "ანტიქრისტე", "მელანქოლია", "ნიმფომანი" და სხვა.
რეჟისორი არაერთხელ აღმოჩენილა სკანდალების ეპიცენტრში, მეტწილად მისი ეთიკურად საკამათო განცხადებების გამო. შეგახსენებთ, 2011 წელს კანის კინოფესტივალზე ტრიერი პერსონა ნონ გრატად გამოაცხადეს, მას შემდეგ რაც ფილმ "მელანქოლიას" პრესკონფერენციის რეჟისორმა საკუთარ თავს ნაცისტი უწოდა და თქვა, რომ ჰიტლერის ესმის.