გვახსოვს, როგორ დაიწყო ყველაფერი, გვახსოვს დღევანდელი დღე, ჩვენ საქართველოს გვერდით ვიდგებით, – ამის შესახებ აშშ-ის საელჩოს ვიდეომიმართვაშია ნათქვამი.
როგორც საელჩოს მიერ გავრცელებულ ვიდეომიმართვაშია ნათქვამი, აშშ გააგრძელებს მშვიდობისთვის მუშაობას და საქართველოს გვერდით იდგება.
„გვახსოვს, როგორ დაიწყო ყველაფერი, გვახსოვს დღევანდელი დღე, გვახსოვს რუსული ჯარის საქართველოში შემოჭრა, არ დავივიწყებთ ათობით ათას დევნილს, არ დავივიწყებთ მსხვერპლს, ჩვენ გავაგრძელებთ მშვიდობისთვის მუშაობას, ჩვენ საქართველოს გვერდით ვიდგებით“, – ნათქვამია აშშ-ის საელჩოს ვიდეომიმართვაში.
რუსეთ-საქართველოს 2008 წლის ომიდან 14 წელი გავიდა. ომს საქართველოს მხრიდან 228 მშვიდობიანი მოქალაქე, 169 სამხედრო და 19 პოლიციელი ემსხვერპლა. 150 000-ზე მეტი ადამიანი იძულებული გახდა საკუთარი სახლი მიეტოვებინა. დაიჭრა 1700-ზე მეტი ადამიანი.
