საქართველოს პარლამენტის ყოფილი დეპუტატი, ბიძინა გეგიძე, დღეს, გიორგი კვირიკაშვილის მისამართით, ირაკლი ღარიბაშვილის განცხადებას ეხმიანება.
“2011 წლამდე, გიორგი კვირიკაშვილი მახსოვს ჩვენ გვერდით, 2007 წლის ნოემბრის აქციებზე! მაშინაც ქართუში იყო! სხვები არ მახსოვს…” - აცხადებს ყოფილი პარლამენტარი.
შეგახსენებთ, დღეს ირაკლი ღარიბაშვილმა ვრცელი განცხადება გაავრცელა, სადაც სხვადასხვა საკითხთან ერთად, გიორგი კვირიკაშვილსაც შეეხო. მისი თქმით, 2011 წელს კვირიკაშვილმა ზეწოლას ვერ გაუძლო და "ქართუ ფონდი" დატოვა.
ირაკლი ღარიბაშვილის განცხადებას გიორგი კვირიკაშვილი მალევე გამოეხმაურა და თქვა, რომ ღარიბაშვილმა "ისტორია დაამახინჯა".
