ლიეტუვაში ძალაში შევიდა ევროკავშირის ტერიტორიაზე ცემენტის, ალკოჰოლის და სხვა საქონლის იმპორტის აკრძალვა, რომელიც კალინინგრადის მიმართულებით ტრანზიტსაც შეეხო. იტყობინება სააგენტო Delfi.
ინფორმაცია 11 ივლისს სააგენტო Reuter-მაც დაადასტურა, ლიეტუვის ფინანსთა სამინისტროს საბაჟო დეპარტამენტის წარმომადგენლზე დაყრდნობით.
მისი თქმით, აკრძალვა ასევე გავრცელდა ხეზე და ალკოჰოლზე დაფუძნებულ სამრეწველო ქიმიკატებზეც.
მანამდე, 17 ივნისს, ევროკავშირის სანქციების ფარგლებში, ლიეტუვამ შეზღუდა ფოლადისა და შავი ლითონების ტრანზიტი კალინინგრადის ოლქის მიმართულებით.
მგზავრებისა და საქონლის ტრანსპორტირება, რომელიც ევროკავშირის სანქციებს არ ექვემდებარება, კვლავ გრძელდება
ლიეტვის საგარეო საქმეთა სამინისტრო აღნიშნავს, რომ სახმელეთო ტრანზიტი კალინინგრადის ოლქსა და რუსეთის ფედერაციის სხვა ნაწილებს შორის არ დაბლოკილა.
"მგზავრებისა და იმ ტვირთის ტრანზიტი, რომელიც ევროკავშირის სანქციებს არ ექვემდებარება, გრძელდება. ლიეტუვას არ დაუწესებია ცალმხრივი, ინდივიდუალური ან დამატებითი შეზღუდვები ამ ტრანზიტზე", - აცხადებენ საგარეო საქმეთა სამინისტროში.
ცემენტის, ალკოჰოლისა და სხვა პროდუქტების იმპორტისა და ტრანსპორტირების აკრძალვა აიხსნება იმით, რომ რუსეთი "ამ საქონლიდან იღებს მნიშვნელოვან შემოსავალს და, შესაბამისად, შეუძლია განახორციელოს ქმედებები, რომლებიც მიმართულია მოახდენს უკრაინაში სიტუაციის დესტაბილიზაციისკენ".
სააგენტო Delfi-ს ცნობით, გამონაკლისები გათვალისწინებულია მხოლოდ კალიუმის ქლორიდისთვის და აზოტის, ფოსფორის და კალიუმის შემცველი მინერალური ან ქიმიური სასუქებისთვის.
შეზღუდვას დაქვემდებარებული საქონლის გაფართოება მოსალოდნელია 10 აგვისტოს, როდესაც ამოქმედდება ნახშირისა და სხვა მყარი წიაღისეული საწვავის ტრანსპორტირების აკრძალვა.
კალინინგრადი არის რუსეთის ექსკლავი, რომელიც ესაზღვრება ლიეტუვასა და პოლონეთს.