ასტანაში მიმდინარე სამიტზე გერმანიის კანცლერმა ანგელა მერკელის სიტყვით გამოსვლისას ხაზი გაუსვა, რომ საქართველოს ტერიტორიულ მთლიანობა მის საერთაშორისოდ აღიარებულ საზღვრებში უნდა შენარჩუნდეს და რეგიონში ეუთო უნდა დაბრუნდეს.
ქართულ-სამხრეთოსურმა ომმა დაადასტურა, რომ ეუთოს სივრცეში ნდობის კრიზისი წარმოიქმნა. ეს განცხადება დღეს ასტანაში გამართული ეუთოს სამიტის პლენარულ სხდომაზე სიტყვით გამოსვლისას გერმანიის კანცლერმა ანგელა მერკელმა გააკეთა.
"ჩვენ უნდა ვიყოთ გულწრფელნი და ვთქვათ, რომ 2008 წლის აგვისტოში ჩვენ შევეჩეხეთ ნდობის სერიოზულ კრიზისს", _ განაცხადა მერკელმა.
რუსული მედიის ინფორმაციით, მის ნათქვამს ეუთოს წევრი სახელმწიფოების მრავალმა ლიდერმა დაუჭირა მხარი.
მათივე ინფორმაციით, ამასთან ერთად საფრანგეთისა და გერმანიის წარმომადგენლებმა განსაკუთრებით გაუსვეს ხაზი, რომ "საქართველოს ტერიტორიული მთლიანობა და სუვერენიტეტი მის საერთაშორისოდ აღიარებულ საზღვრებში უნდა შენარჩუნდეს". მათ ასევე დაუჭირეს მხარი რეგიონში "ეუთოს ხილვად დაბრუნებას".
აღსანიშნავია, რომ საერთაშორისო ნდობა, როგორც სტაბილურობის ფაქტორი გახდება ძირითადი მოტივი საფრანგეთის თავმჯდომარეობისა "დიდ რვიანში" და ეკონომიკურ "ოცეულში".
