"ქართული ოცნების" დეპუტატები და მათი პარტიის ლიდერები ფაქტობრივად დიდი ხანია გაცდნენ ყველანაირ ჩარჩოს, როგორც მორალური, ასევე კანონმდებლობის თვალსაზრისით და ჩამოყალიბდნენ ჩვეულებრივ ძალად, რომელიც არის კრიმინალთან ასოცირებული", - ასე აფასებს "ევროპული საქართველოს" წევრი, ლაშა დამენია დიტო სამხარაძის გუშინდელ ქმედებას.
მისი თქმით, ამის ნათელი დადასტურება იყო ერთ-ერთი ლიდერის, დიმიტრი სამხარაძის ქმედებაც. ამაში ყველაზე პრობლემური ისაა, რომ ეს თავად გადაიღო, თავადვე დადო და თავადვე ატვირთა თავის სოციალურ ქსელში, რითაც ფაქტობრივად გამოდის, რომ ამაში ვერაფერს ცუდს ვერ ხედავს.
"ესაა ის, პრობლემა, რაც დღეს "ქართულ ოცნებასა" და შესაბამისად, საქართველოს მოსახლეობასაც უდგას. ასეთი ლიდერებით საქართველო ევროინტეგრაციის გზაზე ერთ ნაბიჯსაც ვერ გადადგამს", - განაცხადა ლაშა დამენიამ
გუშინ გავრცელდა კადრები, რომელშიც ასახულია, როგორ აგინებს საპარლამენტო უმრავლესობის დეპუტატი დიმიტრი სამხარაძე აქციის, "შინ ევროპისკენ" მონაწილეებს, რომლებიც პარტია "ქართული ოცნების" ოფისთან მივიდნენ. ისმის გინება პატიმრობაში მყოფი საქართველოს მესამე პრეზიდენტის, მიხეილ სააკაშვილის მიმართაც.
