რუსეთში, ფსკოვის ოლქის სოფელ ლიუბენსკში ხანძრის შედეგად დაიწვა სახელგანთქმული რუსი კომპოზიტორის ნიკოლაი რიმსკი-კორსაკოვის სახლ-მუზეუმი. იტყობინება სააგენტო "ინტერფაქსი".
როგორც მუზეუმ-ნაკრძალის გენერალური დირექტორი სვეტლანა მელნიკოვა აცხადებს, მძვინვარე ცეცხლმა გაანადგურა 1000-ზე მეტი ექსპონატი. მათგან მხოლოდ 20%-ის აღდგენაა შესაძლებელი.
ხანძარი მუზეუმში 2 ივლისს გაჩნდა. წინასწარი მონაცემებით, ხანძარი სარემონტო სამუშაოების დროს, სახურავის შეკეთებისას დაუდევრობის გამო გაჩნდა. მიმდინარეობს გამოძიება.
გავრცელებული ცნობით, მთლიანად დაიწვა კომპოზიტორის 200 კვადრატული მეტრის ფართობის მშობლიური სახლი.
რიმსკი-კორსაკოვის მუზეუმ-ნაკრძალი ფედერალური მნიშვნელობის კულტურული მემკვიდრეობის ობიექტია.
