იტალიის ალპებში რეკორდულად მაღალი ტემპერატურის გამო ყინულის მასა ჩამოინგრა, დაიღუპა ექვსი ადამიანი. ინფორმაციას იტალიური მედია ავრცელებს.
ყინული იტალიის ალპების აღმოსავლეთ ნაწილში ტრენტოსა და ვენეტოს რეგიონებს შორის მარმოლადის მთის კალთაზე ჩამოიშალა.
დაშავდა რვა ადამიანი, ათამდე კი დაკარგულად არის მიჩნეული.
დაშავებულები უახლოეს საავადმყოოებში გადაიყვანეს.
ადგილობრივი ხელისუფლების ინფორმაციით, ძლიერი სიცხის გამო, მარმოლადზე ტემპერატურამ 2 ივლისს 10 გრადუსს მიაღწია.