ხელისუფლების ცრუ ისტერიკას ვხედავთ, ოღონდ თუ ადრე ოპონენტებზე ანგარიშსწორებისთვის იყენებდნენ ძალადობრივ ჯგუფებს, ახლა ისტერიის ისეთ ფაზაში არიან, რომ თვითონაც არ ერიდებიან ხელის გასვრას, თან ეს ხდება ამერიკის საელჩოში", - ასე აფასებს "ევროპული საქართველოს" წევრი, ლელა ქებურია აშშ-ის საელჩოში მომხდარ ინციდენტნს.
მისი თქმით, ოცნების წევრები ტრადიციულად ამ ძალადობას ქართველობითა და ვაჟკაცობით ფუთავენ, სინამდვილეში კი ამ ადამიანებს არაფერი საერთო ამ ცნებებთან არ აქვთ.
"ჩვენ, ქართველი საზოგადოება უნდა ვიყოთ ძალიან თანმიმდევრულები, მომთმენები და გააზრებულად უნდა ვიმოქმედოთ, რომ ეს ველურები აუცილებლად ჩამოვაშოროთ ხელისუფლებას", - განაცხადა ლელა ქებურიამ.
ტვ პირველის" დამფუძნებლის, ვატო წერეთლის განცხადებით, აშშ-ის საელჩოს ეზოში, სადაც დამოუკიდებლობის დღისადმი მიძღვნილი მიღება მიმდინარეობდა, "ქართული ოცნების" დეპუტატი ანრი ოხანაშვილი ფიზიკურად გაუსწორდა.
ანრი ოხანაშვილის განცხადებით, ვატო წერეთელმა "უბინძურესი პროვოკაცია" მოაწყო და "მიიღო ის პასუხი, რასაც იმსახურებდა".