რუსეთის საგარეო საქმეთა სამინისტრო ლიეტუვას მოუწოდებს, დაუყოვნებლივ აღადგინოს ტვირთის ტრანზიტი კალინინგრადსა და რუსეთის დანარჩენ ტერიტორიას შორის. ნათქვამია საგარეო უწყების განცხადებაში.
საგარეო საქმეთა სამინისტროს განცხადებით, მოსკოვის იტოვებს უფლებას, მიიღოს ზომები თავისი ეროვნული ინტერესების დასაცავად, თუ ლიეტუვა არ აღადგენს ტრანზიტს.
ამავდროულად, მოსკოვმა ლიეტუვის გადაწყვეტილებას უკანონო და საერთაშორისო სამართლის პრინციპების უგულვებელყოფა უწოდა.
ამასთან, აღნიშნულია, რომ 20 ივნისს რუსეთის საგარეო საქმეთა სამინისტროში დაიბარეს ლიეტუვის საქმეთა დროებით რწმუნებული ვირჯინია უმბრასენი და მოსკოვის მწვავე პროტესტი გადასცეს.
"მოვითხოვთ შეზღუდვის დაუყოვნებლივ მოხსნას", - ნათქვამია განცხადებაში.
შეგახსენებთ, ლიეტუვამ, რუსეთის წინააღმდეგ ევროკავშირის სანქციების ფარგლებში, თავის ტერიტორიაზე აკრძალა იმ პროდუქტების ტრანზიტი, რომელზედაც სანქციებია დაწესებული. ამ პროდუქტებს შორისაა ქვანახშირი, ფოლადი, სამშენებლო მასალები და სხვა.
აღნიშნული გადაწყვეტილების თანახმად, შეიზღუდა ტვირთის ტრანზიტი კალინინგრადის ოლქსა და რუსეთის დანარჩენ ტერიტორიას შორის.
კალინინგრადის ოლქი პოლონეთსა და ლიეტუვას შორის მდებარეობს ბალტიის ზღვაზე.
