საქართველოს ამჟამინდელი ხელისუფლების გამო ქვეყანამ დაკარგა ლიდერობა, - ასე ეხმიანება ევროპარლამენტარი რასა იუკნევიჩიენე ევროკომისიის რეკომენდაციებს, რომლის თანახმადაც ევროკომისიამ უკრაინისა და მოლდოვისთვის კანდიდატის სტატუსის მინიჭებას დაუჭირა მხარი, საქართველოს შემთხვევაში კი მხოლოდ ევროპული პერსპექტივის მინიჭების მოწოდები გამოვიდა
"ველოდი ევროკომისიის ასეთ გადაწყვეტილებას საქართველოსთან მიმართებაში. საქართველოს ამჟამინდელი ხელისუფლების გამო ქვეყანამ დაკარგა ლიდერობა აღმოსავლეთ პარტნიორობის ქვეყნებს შორის. თუმცა მე მჯერა ქართველი ხალხის. ისინი იმსახურებენ ევროპულ ცხოვრების წესს", - წერს ევროპარლამენტარი "ტვიტერში".
ევროკომისიის გადაწყვეტილებით, 2022 წლის ბოლომდე, საქართველომ უნდა დააკმაყოფილოს პირობები, რომლის შეფასების შემდეგ გადაწყდება, მიენიჭოს თუ არა კანდიდატის სტატუსი.
