სამართლიანად თუ განიხილება საკითხი, რა თქმა უნდა, გვეკუთვნის ევროკავშირის წევრობის კანდიდატის სტატუსი, უკრაინაზე და მოლდოვაზე მეტად - თქვა "ქართული ოცნების" თავმჯდომარემ ირაკლი კობახიძემ ტელეკომპანია "იმედის" ეთერში.
კობახიძის თქმით, მთავარია ევროკავშირის გადაწყვეტილება სტატუსთან დაკავშირებით არ იყოს "ისეთივე უსამართლო, როგორც ევროპარლამენტის რეზოლუცია".
"ჩვენ ვინარჩუნებთ ოპტიმიზმს, გამომდინარე იქიდან, რომ სამართლიანად თუ განიხილება ეს საკითხი, ჩვენ, რა თქმა უნდა, გვეკუთვნის კანდიდატის სტატუსი ყველა შემთხვევაში. ერთი რომ გვეკუთვნის, მეორე რომ გვეკუთვნის უკრაინაზე და მოლდოვაზე მეტად. ეს არის რეალობა და ეს არის მოცემულობა. აქედან გამომდინარე, ჩვენ გვაქვს ოპტიმისტური მოლოდინი, თუმცა საბოლოო ჯამში ევროკავშირის გადასაწყვეტია ეს ყველაფერი და ვნახოთ, რა გადაწყვეტილება იქნება მიღებული. მთავარია, ეს გადაწყვეტილება არ იყოს ისეთი უსამართლო, როგორიც იყო რამდენიმე დღის ევროპარლამენტის რეზოლუცია თავისი სხვადასხვა პუნქტით", - თქვა კობახიძემ.