ევროკავშირის ყველა ძირითადი ქვეყანა, გარდა იტალიისა, ეწინააღმდეგება უკრაინისთვის კანდიდატის სტატუსის მინიჭებას, - ამის შესახებ იტალიის პრემიერ-მინისტრმა მარიო დრაგიმ ევროკავშირის სამიტის შემდეგ გამართულ პრესკონფერენციაზე განაცხადა.
მისი თქმით, კანდიდატის სტატუსის მინიჭების გადაწყვეტილება ამჟამად არაპროგნოზირებადია ამ ქვეყნების წინააღმდეგობის გამო.
"ევროკავშირის თითქმის ყველა ძირითადი სახელმწიფო ეწინააღმდეგება უკრაინისთვის კანდიდატის სტატუსის მინიჭებას. ყველა, გარდა იტალიისა. ამ ქვეყნების წინააღმდეგობის გამო, კანდიდატის სტატუსი ამჟამად პროგნოზირებადი არ არის, მაგრამ რაც შეეხება სწრაფ გზას, მეჩვენება, რომ ევროკომისია ეთანხმება ამ პერსპექტივას“, - აღნიშნა მარიო დრაგიმ.
მანამდე ცნობილი გახდა, რომ ევროპული საბჭო უკრაინის, საქართველოსა და მოლდოვის განაცხადებს ივნისის სხდომაზე განიხილავს.
ფოტო: EU
