უკრაინის უმაღლესი რადის დეპუტატები აპირებენ, უნდობლობა გამოუცხადონ რადის ადამიანის უფლებათა კომისარს, ომბუდსმენ ლუდმილა დენისოვას 31 მაისს დაგეგმილ შეხვედრაზე. ინფორმაციას "უკრაინსკა პრავდა" ავრცელებს.
უნდობლობის გამოცხადების თაობაზე გავრცელებული ინფორმაცია თავად ლუდმილა დენისოვამაც დაადასტურა.
„ახლა შევიტყვე, რომ რომ პრეზიდენტის ბრძანებით იგეგმება უნდობლობის გამოცხადება ჩემთვის, როგორც ადამიანის უფლებების საკითხებში უმაღლესი რადის კომისრისთვის. ჩემი ინფორმაციით, პრეზიდენტის ადმინისტრაცია არ არის კმაყოფილი ჩემი, როგორც უკრაინის ომბუდსმენის საქმიანობით", - განაცხადა ლუდმილა დენისოვამ საგანგებო პრესკონფერენციაზე.
მისი თქმით, გათავისუფლების გადაწყვეტილება, სავარაუდოდ, პრეზიდენტთან შეხვედრის შემდეგ იქნა მიღებული.
ლუდმილა დენისოვამ მოუწოდა პრეზიდენტის ადმინისტრაციას, ხელი აიღოს ამ განზრახვაზე, რადგან ომბუდსმენის გათავისუფლება უკრაინის კონსტიტუციისა და საერთაშორისოდ აღებული ვალდებულებების დარღვევაა.