რუსეთის მრეწველობისა და ვაჭრობის სამინისტროს განცხადებით, ფრანგული ჯგუფის Renault-ის აქტივები სახელმწიფო საკუთრებაში გადადის.
კონცერნ "ავტოვაზის" აქციების 67.69 პროცენტი, რომლის მფლობელიც ჯგუფი Renault-ი იყო, გადაეცემა სამეცნიერო-კვლევით საავტომობილო ინსტიტუტს, "რენო-რუსეთის" აქციების 100% კი - მოსკოვის ხელისუფლებას. "ავტოვაზის" დანარჩენი აქციები შეუნარჩუნდება სახელმწიფო კორპორაცია "როსტეხს".
სამინისტროში აღნიშნავენ, რომ "ავტოვაზი" მოემსახურება Renault-ის ავტომობილებს რუსეთში და თავის ქარხნებში გააგრძლებს ავტომობილ Lada-ს ხაზის გამოშვებას.
მოსკოვის მერის, სერგეი სობიანინის განცხადებით, დედაქალაქში მდებარე Renault-ის ქარხანაში ამიერიდან რუსულ ავტომანქანებს, "მოსკვიჩს" გამოუშვებენ.
23 მარტიდან Renault-მა მუშაობა შეწყვიტა მოსკოვში თავის ასაწყობ ქარხანაში, სადაც მზადდებოდა მაღალი გამავლობის მოდელები. 22 აპრილს რუსული მედია წერდა, რომ Renault-ი „ავტოვაზში“ თავისი წილის გაყიდვას აპირებდა.
