საქართველოს მეოთხე პრეზიდენტი გიორგი მარგველაშვილი, რომელიც უკრაინაში იმყოფება, "მთავარი არხის" ეთერში აცხადებს, რომ მიხეილ სააკაშვილი არის პუტინის ტყვე ქართულ ციხეში.
გიორგი მარგველაშვილი უკრაინაში "ნაციონალური მოძრაობის" ლიდერებთან ერთად ჩავიდა.
"სააკაშვილი ის იყო, ვინც პუტინის პირველი დარტყმები მიიღო. აქედან გამომდინარე დღეს, 24 თებერვლის შემდეგ, სააკაშვილის ციხეში ჯდომა, როდესაც მსოფლიო დაიყო შავად და თეთრად, როდესაც მსოფლიო უკვე დაიყო, რომ ან შენ ხარ ხალხის ამოწყვეტის მხარეს, ან ხარ თავისუფლების მხარეს, დღეს უკვე სააკაშვილის ციხეში ჯდომა იმის ხაზგასმაა, რაც მასთან შეხვედრის მერე ერთხელ უკვე დავაფიქსირე - ის არის პუტინის ტყვე ქართულ ციხეში", - თქვა მარგველაშვილმა.
