"რეალურად სადაც არის გასაღები თქვენი ეკონომიკური გასაჭირის შემცირებისა და შემსუბუქების მაინც სწრაფად, ეს არის აქციზის გადასახადის დაწევა, ხოლო მთლიანად ხელისუფლების გამოცვლის შემდეგ ისეთი ეკონომიკური პოლიტიკის წარმოება, რომ ლარის ვარდნა არ გაგრძელდეს და ზოგადად შემოტანილ იქნას მულტი ვალუტა ანუ ნებისმიერი საერთაშორისოდ კვოტირებული ვალუტით ვაჭრობა საქართველოში", - ამის შესახებ „ევროპული საქართველოს“ თავმჯდომარემ, გიგა ბოკერიამ გამართულ ბრიფინგზე განაცხადა.
„ეს არის ღარიბაშვილისა და ივანიშვილის რეჟიმისგან უტიფარი მცდელობა, რომ მოქალაქეების ნაწილი მაინც შეცდომაში შეიყვანონ და პასუხისმგებლობა ამ მძიმე ეკონომიკურ მდგომარეობაზე, მათ შორის საწვავის ფასების ზრდაზე აჰკიდონ კერძო შემომტანებს ანუ კერძო დისტრიბუტორებს. მაშინ, როცა რეალობა არის რომ, რა თქმა უნდა, საწვავის ფასებს განაპიროებებს ერთის მხრივ საერთაშორისო ფასები, რომელიც ჩვენი და ნებისმიერი ხელისუფლების კონტროლს მიღმაა, მეორე მხრივ ხელისუფლების პოლიტიკა, კერძოდ ამ პოლიტიკის შედეგები ლარის კურსის სახით და მეორე აქციზის ზრდა. ეს ორივე ფაქტორი არის ივანიშვილის რეჟიმის „მოღვაწეობის“ შედეგი. აქციზი მათ გაზარდეს და ლარის კურსის ასეთი დრამატული ვარდნა არის მათი ეკონომიკური პოლიტიკის პირდაპირი შედეგი. რომ არა ეს ორი ფაქტორი, ვგულისხმობს ლარის კურსის ვარდნას ივანიშვილის რეჟიმის პირობებში და აქციზის გაზრდას, შემცირებაზე არც კი ვსაუბრობ ამ წამს, დღევანდელი საერთაშორისო ფასებით საწვავის ფასი იქნებოდა უფრო ნაკლები, ვიდრე ეს იყო 10 წლის წინ, მაინც ჯერ-ჯერობით. ასე რომ უტიფრად ატყუებენ ჩვენს მოქალაქეებს. მე იმედი მაქვს, რომ არავინ არ მოტყუვდება და არავინ არ წამოეგება ანკესზე, რომ კერძო ბიზნესს დააკისროს პასუხისმგებლობა და იქ გამართონ პროტესტი, როცა პრობლემის ძირი, თავი და ბოლო არის ჩვენს ხელისუფლებაში. ახლაც, ამ წამიერად შეუძლიათ არსებითი ცვლილების მოტანა ნებისმიერი ნორმალურ ხელისუფლებას აქციზის მთლიანად შემცირებით, დროებით მაინც თუ სწრაფ შვებაზეა ლაპარაკი, მაგრამ ამის ნაცვლად ეს რეჟიმი, იმიტომ რომ არ ემეტება ამ ფულის დათმობა კერძო ბიზნესისთვის და მოქალაქეებისთვის, იმიტომ რომ ეს ფული სჭირდება საკუთარი პოლიტიკური ნეპოტიზმისა და ბიუროკრატიის დასაფინანსებლად, თავის ძალაუფლების წყაროსი. ამიტომ, უბრალოდ ამ სიცრუეს თესავს და ავრცელებს თავისი პროპაგანდის ნიაღვრით, რომ კერძო შემომტანის ბრალია და მერე რომ დაიწიოს საერთაშორისო ფასებმა და ოდნავ თუ დაიწევს ფასი, დროებით მაინც, იტყვიან რომ აი ნახე, ჩვენმა მოღვაწეობამ შედეგი გამოიღო. ყველა მოქალაქეს მინდა მივმართო, ნუ მოტყუვდებით, ეს არის შედეგი ივანიშვილის და მისი გარემოცვის პოლიტიკის - ეს ერთი და რომც რაღაც მომენტში ფასმა დროებით დაიწიოს, ეს არ არის სწორი პოლიტიკის შედეგი. ეს იქნება ან საერთაშორისო ფასების ვარდნის შედეგი ან დროებითი კონიუნქტურის, რომ გაუგოროს ვიღაცამ წნეხის ქვეშ არ რეჟიმს, მაგრამ რეალურად სადაც არის გასაღები თქვენი ეკონომიკური გასაჭირის შემცირებისა და შემსუბუქების მაინც სწრაფად, ეს არის აქციზის გადასახადის დაწევა, ხოლო მთლიანად ხელისუფლების გამოცვლის შემდეგ ისეთი ეკონომიკური პოლიტიკის წარმოება, რომ ლარის ვარდნა არ გაგრძელდეს და ზოგადად შემოტანილ იქნას მულტი ვალუტა ანუ ნებისმიერი საერთაშორისოდ კვოტირებული ვალუტით ვაჭრობა საქართველოში. ეს არის ხსნა, ოღონდ ამ რეჟიმის პირობებში ეს ხსნა ჩვენ არ გველის, უბრალოდ სანამ ამ რეჟიმს შევცვლით ყველა მოქალაქემ უნდა იცოდეს ვისი ბრალია ის, რაც ხდება",“ - გიგა ბოკერია