"საქართველოს პრეზიდენტის ინიციატივაზე სეპარატისტული რეჟიმის წარმომადგენლის, სერგეი შამბას განცხადება არის გამეორება რუსეთის საგარეო საქმეთა სამინისტროს სიტყვებისა, რაც ადასტურებს, რომ სეპარატისტთა ლიდრები დამოუკიდებელ აზრს არასდროს გამოხატავენ", - ამის შესახებ "ჯი-ეიჩ-ენს" საპარლამენტო უმრავლესობის წევრმა დავით დარჩიაშვილმა, აფხაზეთის სეპარატისტული რეჟიმის ე.წ. პრემიერის სერგეი შამბას განცხადების კომენტირებისას განუცხადა.
"სააკაშვილმა ძალიან ნათლად თქვა თავისი ინიატივის შესახებ, რომელიც აბსოლუტურად ადექვატურად აღიქვა საერთაშორისო თანამეგობრობამ და ახლა ჯერი იმ მხარეზეა, რომელიც არის ამ კონფლიქტის სათავე", - განმარტა დარჩიაშვილმა.
მისივე თქმით, თუ რუსული მხარე ადექვატური არ გახდება და მოლაპარაკებებზე უარს იტყვის, მას უფრო მეტი პრობლემები შეექმნება საერთაშოროსო თანამეგობრობასთან, ვიდრე დღემდე აქვს.
შეგახსენებთ, რომ სერგეი შამბამ "ჯი-ეიჩ-ენთან" საუბარში განაცხადა, რომ მიხეილ სააკაშვილის სამშვიდობო ინიციატივის არ სჯერა.
