ხობის რაიონში მგლების შემოსევაა. სოფელ საჯიჯაოში ნადირი მოსახლეობას ეზოში შეუვარდა და სამ ოჯახს საქონელი დაუგლიჯა.
ადგილობრივები დახმარებას ითხოვენ. ბოლო 10 დღის განმავლობაში მგელმა 12 ოჯახი დააზარალა. მარტო ერთ ოჯახს ნადირმა 25 სული თხა დაუგლიჯა.
ადგილობრივი მოსახლეობის განცხადებით, მათ ბავშვების სკოლაში გაშვების ეშინიათ. მოსწავლეებს, რომლებიც სოფლის განაპირა უბნებში ცხოვრობენ, მგელი რამდენჯერმე სკოლისკენ მიმავალ გზაზე შეხვდა.
ადგილობრივები დახმარებას და მონადირეთა ჯგუფის გამოყოფას ითხოვენ.
