სრულიად საქართველოს კათოლიკოს-პატრიარქი ილია მეორე ქართველი მებრძოლის, დავით გობეჯიშვილის გარდაცვალების გამო სამძიმრის წერილს ავრცელებს.
„მიიღეთ ჩვენი სამძიმარი დავითის გარდაცვალების გამო. ღმერთმა აცხოვნოს და ნათელი დაუმკვიდროს მის უკვდავ სულს, ხოლო თქვენ მოგმადლოთ მშვიდობა და დავითისთვის ლოცვის ძალა“, - ნათქვამია სამძიმრის წერილში.
დავით გობეჯიშვილი დღეს ტყიბულში, საგვარეულო სასაფლაოზე სამხედრო პატივით დაკრძალეს. გობეჯიშვილი 26 მარტს ქალაქ ირპინთან შეტაკებებისას დაიღუპა.
