ყოველ წელს გვესმის თითქოს, არჩევნებს ძველი ბიჭებით, კრიმინალების დახმარებით ვიგებთ და სხვაგვარად ფონს ვერ გავდივართ, - ამის შესახებ „ქართული ოცნების“ ბათუმის საარჩევნო შტაბის უფროსმა, ირაკლი ჭეიშვილმა ბრიფინგზე განაცხადა.
ჭეიშვილმა უარყო გავრცელებული ინფორმაცია, რომ ე.წ. ოცნების ქალაქთან „ძველი ბიჭები“ არიან მობილიზებული, რომლებიც ამომრჩევლებზე ზეწოლას ახდენენ.
მან ბათუმის მე-4 საარჩევნო ოლქში შუალედური არჩევნების მიმდინარეობის პროცესი შეაფასა და აღნიშნა, რომ არჩევნები მშვიდ ვითარებაში მიმდინარეობს.
"ყოველ წელს გვესმის თითქოს, არჩევნებს ძველი ბიჭებით, კრიმინალების დახმარებით ვიგებთ და სხვაგვარად ფონს ვერ გავდივართ. არ დადასტურებულა არცერთი ფაქტი! ეს არის ტყუილი და საერთოდ, ეს ძველი ბიჭის დეფინიცია - როგორ აფასებთ, რომ ძველი ბიჭია ან კარგი ბიჭია! არ ვიცი, თქვენ რა შეფასების კრიტერიუმები გაქვთ. ეს არის ტყუილი და არცერთ არჩევნებზე არცერთი ფაქტი არ დადასტურებულა. ყოველ არჩევნებზე ერთი და იგივე რიტორიკაა, რომ ამ პროცესში ძველი ბიჭები არიან ჩართული. ეს არის ძალიან დიდი ტყუილი“, - თქვა ირაკლი ჭეიშვილმა.