საქართველოს პრემიერ-მინისტრმა, ირაკლი ღარიბაშვილმა უკრაინაში დაღუპული საქართველოს მოქალაქეების ოჯახებს სამძიმარი გამოუცხადა.
„მინდა, ჩემი სამძიმარი გამოვუცხადო, ჩვენი, საქართველოს მოქალაქეების ოჯახებს. სამი ყოფილი სამხედრო გარდაიცვალა ამ ომის დროს. ჩემი ინფორმაციით, ისინი იბრძოდნენ ჯერ კიდევ აფხაზეთის ომში, ზოგიერთი მათგანი ასევე აგვისტოს ომში. რა თქმა უნდა, სახელმწიფომ ყველაფერი გააკეთა იმისთვის, რომ მოხდეს მათი საქართველოში გადმოსვენება, დაბრუნება. რა თქმა უნდა, მათ ოჯახებს კიდევ ერთხელ ვუცხადებ სამძიმარს“, – განაცხადა ირაკლი ღარიბაშვილმა.
18 მარტს, გია ბერიაშვილი და დავით რატიანი კიევის ჩრდილო-დასავლეთით, ირპინის ფრონტზე დაიღუპნენ.
19 მარტს, ბახვა ჩიქობავა, ქალაქ მარიუპოლში დაიღუპა.
