რუსეთი უკრაინაში კატასტროფულად მარცხდება, ჩვენები იმარჯვებენ, - განაცხადა საქართველოს მესამე პრეზიდენტმა სასამართლო პროცესზე. მიხეილ სააკაშვილის განმარტებით, ქვეყნის მეხუთე პრეზიდენტი იმპიჩმენტით შეაშინეს და "გუშინ CNN -ში ფირფიტა უკვე ამოატრიალა, სულ სხვანაირად აჭიკჭიკდა".
"რუსეთი უკრაინაში კატასტროფულად მარცხდება, ჩვენები იმარჯვებენ. გუშინ, ბაიდენმა წამოუდგენელი რაოდენობის იარაღის შეტანა გამოაცხადა უკრაინაში. ამ სიტუაციაში, რუსეთს უნდა სადღაც გადართოს ყურადღება. ყველაზე სუსტი რგოლი ამ ჯაჭვში საქართველოა. სალომე შეაშინეს იმპიჩმენტით და გუშინ CNN-ში ფირფიტა უკვე ამოატრიალა, სულ სხვანაირად აჭიკჭიკდა.
ჩვენს მიმართ ამას აპირებენ, ნეიტრალიტეტზე დათანხმება ამ პირობებით - პროვოკაციის პირობებით. ეს არის ის, რაც საბოლოოდ გამოგვყოფს დასავლეთისგან და შეგვაერთებს რუსეთს.
საქართველოს ხელისუფლება კიევში უნდა ჩავიდეს. თუ მათ არ შუძლიათ, მე გავუკეთებ ყველაფერს, როგორც უკრაინის პრეზიდენტის მთავარი მრჩეველი და რეფორმათა საბჭოს თავმჯდომარე.
ვეუბნები პრემიერ-მინისტრ ღარიბაშვილს, სრულიად უსაფრთხოდ, ცივ ნიავს არ მოგაკარებ და აუცილებლად ჩაგიყვანთ კიევში, ოღონდ მოინდომეთ. იგივეს მივმართავ სალომე ზურაბიშვილს, ღარიბაშვილი შესაძლოა არ მიიღონ“,- აღნიშნა მიხეილ სააკაშვილმა.
