უკრაინაში რუსეთის სამხედრო ინტერვენციის გამო, შეერთებულმა შტატებმა და იაპონიამ სანქციები დაუწესეს რუსეთის კიდევ 30-მდე მოქალაქეს.
იაპონიის ფინანსთან სამინისტრომ სანქციები დაუწესა კორპორაცია „რენოვა“-ს ხელმძღვანელს, მილიარდერი ვიქტორ ვექსელბერგს, პუტინის უახლოეს ბანკირს იური კოვალჩუკის ოჯახს 5 წევრს და რუსეთის დუმის 11 დეპუტატს, მათ შორის კომუნისტების ფრაქციის ლიდერს გენადი ზიუგანოვს.
სანქციების ფარგლებში მოცემულ პირებს გაეყინებათ აქტივები და აეკრძალებათ იაპონიაში მოგზაურობა.
საერთო ჯამში, იაპონის მიერ სანქცირებულ პირთა რაოდენობა 61-მდე გაიზარდა.
თავის მხრივ, შეერთებულმა შტატებმა სანქციები დაუწესა რუსეთის 11 მაღალჩინოსანს.
როგორც აშშ-ის სახელმწიფო დეპარტამენტის განცხადებაშია აღნიშნული, სანქციები დაუწესდა "როსგვარდიის" ხელმძღვანელ ვიქტორ ზოლოტოვს, სამხედრო-ტექნიკური თანამშრომლობის ფედერალური სამსახურის დირექტორ დმიტრი შუგაევს, „როსობორონექსპორტის“ გენერალურ დირექტორ ალექსანდრ მიხეევს და რუსეთის თავდაცვის მინისტრის რვა მოადგილეს, მათ შორის ინგუშეთის ყოფილ პრეზიდენტ იუნუს-ბეკ ევკუროვს.
