საქართველოს მთავრობა მკაფიო იყო უკრაინისა და უკრაინელი ხალხის მიმართ მხარდაჭერის გამოხატვის კუთხით - ამის შესახებ აშშ-ი ელჩმა საქართველოში კელი დეგნანმა განაცხადა. მისი თქმით, საქართველომ უკრაინელებს როგორც უკრაინაში, ასევე აქ, საქართველოში მყოფ უკრაინელებს ჰუმანიტარული დახმარება მიაწოდა.
"ძალიან მნიშვნელოვანი ღონისძიება იყო, რომელსაც ორგანიზება გაუწია რონდელის ფონდმა და ძალიან დროული იმისთვის, რომ შევიკრიბოთ და ვისაუბროთ უკრაინის წინააღმდეგ რუსეთის აგრესიაზე ჩვენს შეშფოთებასთან დაკავშირებით და ვაჩვენოთ ჩვენი მხარდაჭერა უკრაინელი ხალხის მიმართ, რომლებიც კრემლის მიერ დაწყებული არაპროვოცირებულ ომში არიან.
საქართველოს მთავრობა მკაფიო იყო უკრაინისა და უკრაინელი ხალხის მიმართ მხარდაჭერის გამოხატვის კუთხით. ასევე საქართველომ უკრაინელებს როგორც უკრაინაში, ასევე აქ, საქართველოში მყოფ უკრაინელებს ჰუმანიტარული დახმარება მიაწოდა. მივესალმებით საქართველოს განცხადებებს გაეროსა და ეუთოში. მთავარი, რისი დანახვაც ახლა გვსურს არის ერთიანობა. საქართველოში ყველამ გვერდზე უნდა გადადოს პოლარიზაცია და მოხდეს იმ საკითხების ირგვლივ გაერთიანება, რომელიც ძალიან მნიშვნელოვანია საქართველოსთვის, რეგიონისთვის, მნიშვნელოვანია ევროატლანტიკური საზოგადოებისთვის. ასე რომ იმედი გვაქვს, გაგრძელდება მხარდაჭერის გამოხატვა,“- აღნიშნა ელჩმა.
