საქართველოს პრეზიდენტ სალომე ზურაბიშვილსა და ამერიკის სახელმწიფო მდივან ენტონი ბლინკენს შორის სატელეფონო საუბარი შედგა.
სატელეფონო საუბრის შემდეგ, სალომე ზურაბიშვილმა და ენტონი ბლინკენმა სოციალურ ქსელებში მოკლე განცხადება გააკეთეს.
სახელმწიფო მდივან ბლინკენის განცხადებით, პრეზიდენტ ზურაბიშვილს მადლობა გადაუხადა ქართველი ხალხის უკრაინის მიმართ გამოხატული მხარდაჭერისთვის.
"ხაზი გავუსვი აშშ-ს მტკიცე ერთგულებას როგორც უკრაინის, ასევე საქართველოს სუვერენიტეტისა და ტერიტორიული მთლიანობის მიმართ", - დასძინა ბლინკენმა.
თავის მხრივ, სალომე ზურაბიშვილმა იმედი გამოთქვა, რომ უახლოეს მომავალში შედგება საქართველოში ენტონი ბლინკენის ვიზიტი.
