- პოლიტიკა 03 მარტი 2022, 15:15
საქართველომ სისხლის სამართლის საერთაშორისო სასამართლოს უკრაინაში არსებული სიტუაციისა და დანაშაულების გამოძიების თხოვნით მიმართა - საგარეო
სისხლის სამართლის საერთაშორისო სასამართლოს (ICC) მთავარი პროკურორის, კარიმ ხანის განაცხადებით, რუსეთის ფედერაციის მიერ ჩადენილი შესაძლო ომის დანაშაულების გამოძიება იწყება. მისივე თქმით, უწყება გამოძიებას 39 ქვეყნის მიმართვის საფუძველზე იწყებს.
აღნიშნულს საქართველოს საგარეო საქმეთა სამინისტრო სოციალურ ქსელ Twitter-ში ეხმაურება.
"38 სხვა სახელმწიფოსთან ერთად, საქართველომ სისხლის სამართლის საერთაშორისო სასამართლოს მიმართა უკრაინაში არსებული სიტუაციისა და ადგილზე განხორციელებული შესაძლო ომის დანაშაულების გამოძიების თხოვნით, რასაც მოჰყვა პროკურორის გადაწყვეტილება დაუყოვნებლივ დაიწყოს გამოძიება. ჩვენ ვდგავართ სამართლიანობის სადარაჯოზე. ჩვენ ვდგავართ უკრაინის გვერდით," - ნათქვამია უწყების განცხადებაში.
