საქართველოს საგარეო საქმეთა სამინისტრო, გაეროს უშიშროების საბჭოში მიღებულ რეზოლუციასთან დაკავშირებით სოციალ ქსელ ტვიტერში განცხადებას ავრცელებს.
"საქართველომ, 80 სხვა სახელმწიფოსთან ერთად, თანასპონსორობა გაუწია გაეროს უსაფრთხოების საბჭოს რეზოლუციას, რომელსაც რუსეთმა ვეტო დაადო. აღნიშნული საკითხი გაეროს გენერალურ ასამბლეაში გადაინაცვლებს.
ჩვენ კიდევ ერთხელ ვუდასტურებთ მხარდაჭერას ჩვენს უკრაინელ მეგობრებს ყველა შესაძლო პლატფორმის გამოყენებით. ჩვენ ვდგავართ უკრაინის გვერდით," - აღნიშნულია სამინისტროს განცხადებაში.
შეგახსენებთ, გაეროს უშიშროების საბჭოს რეზოლუცია, რომელიც რუსეთის უკრაინაში შეჭრის დაგმობას ეხებოდა, მოსკოვმა დაბლოკა.
