საპარლამენტო ფრაქცია "ლელოს" წარმომადგენელი, დეპუტატი სალომე სამადაშვილი პარლამენტის საგანგებო სესიის მოწვევას ითხოვს.
სალომე სამადაშვილმა ღია მიმართვა უკვე გააკეთა ქვეყნის პრეზიდენტის, პრემიერ-მინისტრის და პარლამენტის თავმჯდომარის მისამართით.
სალომე სამადაშვილის აზრით, შეცდომების დაშვების დრო არ არის და საჭიროა, რომ სხდომა დღესვე დაიგეგმოს და უკრაინასთან მიმართებაში ერთობლივი გადაწყვეტილებები იქნეს მიღებული.
რუსეთის პრეზიდენტმა, ვლადიმერ პუტინმა დონბასში სამხედრო ოპერაციის დაწყების შესახებ განაცხადა. უკრაინის პრეზიდენტმა, ვოლოდიმირ ზელენსკიმ ქვეყანაში საომარი მდგომარეობა გამოაცხადა.
