თბილისი–სენაკი–ლესელიძის საავტომობილო გზის 174-ე კილომეტრზე ავტოტრანსპორტის მოძრაობა დროებით შეიზღუდება. იუწყება საავტომობილო გზების დეპარტამენტი.
უწყებიინფორმაციით, საერთაშორისო მნიშვნელობის თბილისი–სენაკი–ლესელიძის საავტომობილო გზის 174-ე კილომეტრზე, მაგისტრალის უბისა-შორაპანის მშენებლობის პროცესში, დეპარტამენტის კონტრაქტორი ორგანიზაცია ,,ჩინეთის გზებისა და ხიდების კორპორაციის“ საქართველოს ფილიალი ახორციელებს ხიდზე რკინა-ბეტონის კოჭების მონტაჟს, რის გამოც, ავტოტრანსპორტის უსაფრთხო გადაადგილების მიზნით, საჭიროა 2022 წლის 21 თებერვალს 11:00 სთ-დან 11:15 სთ-მდე, 15:00 სთ-დან 15:15 სთ-მდე და 17:00 სთ-დან 17:15 სთ-მდე, აღნიშნულ მონაკვეთზე ავტოტრანსპორტის მოძრაობის ჩაკეტვა 10-15 წუთიანი ინტერვალით.
