"ამ არჩევნებზე "ევროპულ საქართველოს" არ ეყოლება კანდიდატი ვინაიდან თვლის, რომ პარლამენტი არის არალეგიტიმური, - ამის შესახებ "ევროპული საქართველოს" წევრმა ლაშა დამენიამ რუსთავში შუალედური არჩევნებში ოპოზიციური კანდიდატის დასახელების შესახებ.
მისი თქმით, აზრი არ აქვს ამ პარლამენტში მაჟორიტარულად კენჭისყრას.
"ამ არჩევნებზე "ევროპულ საქართველოს" არ ეყოლება კანდიდატი ვინაიდან თვლის, რომ პარლამენტი არის არალეგიტიმური, აზრი არ აქვს ამ პარლამენტში მაჟორიტარულად კენჭისყრას, სხვა შემთხვევაში დავუჭერთ თუ არა ამათუ იმ კანდიდატს მხარს ეს არის პოლიტსაბჭოს გადასაწყვეტი, რომელიც ამ დღეებში გაიმართება და იგი გადაწყვეტს დაუჭერს თუ არა „ევროპული საქართველო“ მხარს რომელიმე კანდიდატს", - განაცხადა ლაშა დამენიამ.
უკვე ცნობილია, რომ რუსთავის მაჟორიტარულ ოლქში პარტია "ლელოს" კანდიდატი ბადრი ჯაფარიძე იქნება.
2 აპრილს საქართველოს პარლამენტისა და მუნიციპალიტეტის საკრებულოს შუალედური არჩევნები გაიმართება.
შუალედური არჩევნები საქართველოს პარლამენტის და ბათუმის საკრებულოს გამოკლებული წევრების ასარჩევად ტარდება. პარლამენტი ნინო ლაცაბიძემ მას შემდეგ დატოვა, რაც რუსთავის მერად აირჩიეს, ხოლო ბათუმის საკრებულოს მაჟორიტარი წევრი ჯემალ ფუტკარაძე გარდაიცვალა.
