რა თქმა უნდა, პრემიერი-მინისტრი ანტივაქსერი არ არის და შეუძლებელია იყოს, გამომდინარე იქიდან, რომ მას აქვს ორჯერ ვაქცინა გაკეთებული, - ასე უპასუხა ჯანდაცვის მინისტრმა ზურაბ აზარაშვილმა ჟურნალისტების შეკითხვას, რომელიც პრემიერ-მინისტრ ირაკლი ღარიბაშვილის განცხადებას შეეხებოდა.
აზარაშვილის განცხადებით, საუბარი იმაზე, რომ პრემიერი ანტივაქსერია, არასწორია.
"რა თქმა უნდა, პრემიერ-მინისტრი ანტივაქსერი არ არის და შეუძლებელია იყოს, გამომდინარე იქიდან, რომ მას აქვს ორჯერ ვაქცინა გაკეთებული და ის ძალიან აქტიურად იყო ჩართული ვაქცინაციასთან დაკავშირებულ ყველა კამპანიაში. იმაზე საუბარი, რომ ანტივაქსერია თუ არ არის, ვფიქრობ, რომ არასწორია.
ვისმენდი და ზუსტად გავიგე, რაც იგულისხმა. იყო ის, რომ "ომიკრონის" შემთხვევაში, რადგან ეს არის ისეთი შტამი და გვაქვს ისეთი ვაქცინები, რომელიც ამ შტამთან დაკავშირებით გადადების რისკს ნაკლებად აზღვევს, მან თქვა, რომ ინფიცირების შემთხვევაში ძალიან მსუბუქად გადაიტანა, რადგან ორჯერ ვაქცინირებული იყო", - განაცხადა ჯანდაცვის მინისტრმა.
შეგახსენებთ, დღეს, მთავრობის სხდომაზე ირაკლი ღარიბაშვილმა განაცხადა, რომ "ომიკრონის" შემთხვევაში, უმეტესად ვაქცინა არ მუშაობს.