დედამიწის შემსწავლელი მეცნიერებათა ინსტიტუტისა და სეისმური მონიტორინგის ეროვნული ცენტრის დირექტორის, თეა გოდოლაძის ინფორმაციით, საქართველოში, სოფელ სამებასთან მომხდარი მიწისძვრის ეპიცენტრი, ჯავახეთის ზეგანზე, დაუსახლებელ ადგილზე დაფიქსირდა.
მისი თქმით, პირველადი ინფორმაციით ნგრევა არ მოჰყოლია.
„მსგავსი მასშტაბის მიწისძვრას დასახლებულ ტერიტორიაზე ნგრევა მოჰყვებოდა“, - თქვა გოდოლაძემ.
დღეს, 13 თებერვალს, თბილისის დროით 22:25 საათზე, საქართველოში 6.2 (ML) მაგნიტუდის სიდიდის მიწისძვრა მოხდა. დედამიწის შემსწავლელ მეცნიერებათა ინსტიტუტი-სეისმური მონიტორინგის ეროვნული ცენტრის ცნობით, მიწისძვრის ეპიცენტრი სოფელ სამებასთან დაფიქსირდა.
