პარლამენტის თავმჯდომარემ დავით ბაქრაძემ საქართველოს მოსახლეობას გიორგობის ბრწყინვალე დღესასწაული და ვარდების რევოლუციის შვიდი წლისთავი წინასწარ მიულოცა.
როგორც ბაქრაძემ დღეს ბიუროს სხდომაზე აღნიშნა, "ვარდების რევოლუციის" შემდეგ საქართველოს არასდროს არ ჰქონია ასეთი საერთაშორისო მხარდაჭერა, როგორც დღეს.
"მიუხედვად იმისა, რომ კიდევ არსებობს პრობლემები, როგორიც არის გაჭირვება, დასაქმების პრობლემა, ქვეყანა ბოლო 7 წლის განმავლობაში კარდინალურად შეიცვალა და წარმატებით გატარებული რეფორმების გამო მსოფლიო ბანკის რეიტინგში ნომერ პირველი რეფორმატორად დასახელდა. მუხედავად კორუმპირებული, დაჭაობებული ეკონომიკური ვითრებისა ჩვენ შევძელით, რომ ეს შედეგი მიგვეღო", - აღნიშნა ბაქრაძემ.
შეგახსენებეთ, რომ ხვალ, 23 ნოემბრეს "ვარდების რევოლუციიდან" 7 წლისთავი სრულდება.
