23 ნოემბერს მართლმადიდებელი ეკლესია წმინდისა დიდმოწამისა და ძლევაშემოსილი გიორგის ხსენების დღეს აღნიშნავს. აღნიშნულ თარიღთან დაკავშირებით, სამოქალაქო რეესტრის სააგენტოს საინფორმაციო-ტექნოლოგიების სამმართველომ კვლევა ჩაატარა, რომელიც მონაცემთა ერთიან ბაზას ეყრდნობა.

ამჟამად, საქართველოში სულ 168 639 გიორგი ცხოვრობს. აღსანიშნავია, რომ პოპულარულია აგრეთვე ამავე ფუძიდან წარმოებული სხვა სახელებიც, მაგალითად: გიო (94), ლაშა-გიორგი (235).

გარდა ამისა გვხვდება ისეთი სახელებიც, როგორიცაა: საბა-გიორგი, მათე-გიორგი, ლუკა-გიორგი, ედვარდ-გიორგი, თეიმურაზ-გიორგი, გიორგი-უმცროსი, გიორგი-არჩილი, გიორგი-ლაზარე და სხვა.

აღსანიშნავია, რომ სახელი გიორგი მამაკაცის სახელებს შორის ყოველთვის პოპულაული იყო. ყველა ასაკის მამაკაცთა გავრცელებული სახელების ათეული ამგვარია: 1. გიორგი, 2. დავითი, 3 ზურაბი, 4 ლევანი, 5. ალექსანდრე, 6. ირაკლი, 7. მიხეილი, 8. თამაზი, 9. ნიკოლოზი და 10. ავთანდილი.

ახალშობილ ვაჟთა შორის პოპულარული სახელები კი ასეთია: გიორგი, ნიკოლოზი, ლუკა, საბა, დავითი, ანდრია, ალექსანდრე, სანდრო და სხვა.