მიხეილ სააკაშვილის საკითხის წინ წამოწევა კომისიის სახით არის შიდაპარტიული პრობლემების გამოძახილი. რა ეფექტს ელოდებიან ამ პარლამენტში კომისიისგან, სადაც ოპოზიციას უმრავლესობა არც ექნება. როდესაც არალეგიტიმურს ეძახი პარლამენტს, საკუთარ თავს არ უნდა ახტებოდე და არ იძლეოდე მაგალითს, რომ სიტყვას ფასი არ აქვს, ესე იგი საზოგადოებას პატივს არ სცემ, - ასე ეხმაურება "ევროპული საქართველოს" თავმჯდომარე, გიგა ბოკერია "ნაციონალურ მოძრაობის" მხრიდან მიხეილ სააკაშვილის საქმეზე პარლამენტში საგამოძიები კომიისიის შემქნის ინიციატივას.
"ნაციონალური მოძრაობის" გადადგმული ნაბიჯები, რეჟიმის მხარდამჭერ და უგუნურ ნაბიჯებად მიაჩნია, რადგან "თავად შექმნეს ატმოსფერო, როდესაც სხვა პოზიციის მქონე ხალხს ნაგვის ყუთებს ახურავდნენ და შემდეგ იგივე ქნეს, რისთვისაც სხვებს მოღალატეებს ეძახდნენ". თუ თვლიან, რომ პარლამენტი არალეგიტიმურია, მაშინ ამ ნაბიჯის გადადგმა არის სწორედ ის, რაც სჭირდება ივანიშვილის რეჟიმს - უნდობლობის გაჩენა პოლიტიკური პროცესის მიმართ მოქალაქეებში, როდესაც დღეს ერთს იძახი, ხვალ მეორეს და ორივეჯერ მართალი ხარ. ნორმალურ ვითარებაში საგამოძიებო კომისიის გამოყენება პარლამენტში არის აუცილებელი და აბსოლუტურად სწორი ნაბიჯი. "ნაციონალური მოძრაობა" ლეგიტიმურ პარლამენტში ამას ეძახდა კოლაბორაციონიზმს და დღეს არალეგიტიმურ პარლამენტში ქმნიან ამ კომისიას", - აღნიშნა გიგა ბოკერიამ.
შეგახსენებთ, მიხეილ სააკაშვილის საქმესთან დაკავშირებით საგამოძიებო კომისიის შექმნა, "ნაციონალურმა მოძრაობამ" საპარლამენტო საქმიანობაში ჩართვის ერთ-ერთ მიზნად დაასახელა.
ხატია დეკანოიძე აცხადებდა, რომ რომ მიხეილ სააკაშვილის საპატიმროში ყოფნა და მის მიმართ განხორციელებული არაადამიანური, დამამცირებელი და არაჰუმანური მოპყრობის ფატქები არის რეჟიმის პოლიტიკური შურისძიების ნაწილი და პარტიის საპარლამენტო მუშობის ერთ-ერთი მიმართულება იქნება ზემოაღნიშნული ფაქტების გამოძიება, რისთვისაც ფრაქცია აპირებს საგამოძიებო კომისიის შექმნას.
საგამოძიებო კომისიის შესაქმნელად, "ნაციონალურ მოძრაობას" კიდევ 20 დეპუტატის თანხმობა სჭირდება. ამ დროისთვის, ცნობილია, რომ "ლელო" და "სტრატეგია აღმაშენებელი" მხარს დაუჭერენ კომისიის შექმნას, წინააღმდეგ გამოდის პარტია "საქართველოსთვის", ხოლო "გირჩი" მხარდაჭერისთვის საკუთარ პირობებს ასახელებს.
