"სინამდვილეში ეს ქმედებები არაფერს მოიტანს, გარდა იმისა რომ სააკაშვილის თემა მთავარ თემად აქციონ კვლავ", - ამის შესახებ "ევროპული საქართველოს" წევრმა, ლაშა დამენიამ "ნაციონალური მოძრაობის" მიერ საპარლამენტო ბოიკოტის შეწყვეტის კომენტირებისას განაცხადა.
დამენიას განცხადებით, "ნაციონალური მოძრაობის" არათანმიმდევრული ქმედებები ოპოზიციას ივანიშვილის რეჟიმის დამარცხების მიზნისგან აშორებს.
"სამწუხაროა, რომ ოპოზიციურ ფლანგზე ყველაზე მსხვილი ოპოზიციური პარტია "ნაციონალური მოძრაობაა", რომელიც არათანმიმდევრულია საკუთარ ქმედებებში. პირველად განაცხადეს, რომ პუფები ხომ არ იყვნენ, რომ პარლამენტში შესულიყვნენ, შემდგომ უკვე შარლ მიშელის დოკუმენტის გამო შევიდნენ და როდესაც შარლ მიშელის დოკუმენტის არცერთი მუხლი არ სრულდება, უკვე მოძებნეს მიზეზი, რომ კომისიის შექმნა უნდათ სააკაშვილის საქმეების შესასწავლად, რაც სინამდვილეში ის არაფერს მოიტანს, გარდა იმისა რომ სააკაშვილის თემა მთავარ თემად აქციონ კვლავ. ყველაზე სამწუხარო ამ ყველაფერში ისაა, რომ მთავარ ამოცანას, ბიძინა ივანიშვილის დამარცხებას გვაშორებს", - განაცხადა დამენიამ.