მოლოდინი მაქვს ძალიან კონკრეტული, რომ ბატონი კალანდარიშვილის არჩევა მოხდება „ქართული ოცნების" მხრიდან, რათა შეინარჩუნონ სტატუს-კვო ცესკოში, აცხადებს აცხადებს ნაციონალური მოძრაობის ერთ-ერთი ლიდერი თინა ბოკუჩავა.
მისი განმარტებით, "ქართული ოცნების" ინტერესში არ არის, რომ ცესკოს თავმჯდომარე ოპოზიციასთან შეთანხმებული კანდიდატი იყოს.
"მათი ინტერესი არ არის ოპოზიციასთან შეთანხმებული კანდიდატის დანიშვნა, რასაც ითვალისწინებდა შარლ მიშელის დოკუმენტიც. ეს მეტყველებს იმაზე, რომ ხელისუფლება არანაირ კონკრეტულ ნაბიჯებს არ დგამს, რათა გარკვეული შეთანხმება მოხდეს მნიშვნელოვან საკითხებზე და გაიზარდოს არჩევნების მიმართ ნდობა, ცესკოს თავმჯდომარის პოსტზე კონსენსუალური კანდიდატის არჩევით",- განაცხადა თინა ბოკუჩავამ.
შეგახსენებთ, პრეზიდენტმა პარლამენტს ცესკო-ს თავმჯდომარეობის კანდიდატებად საარჩევნო ადმინისტრაციის მოქმედი თავმჯდომარე გიორგი კალანდარიშვილი და სამოქალაქო პლატფორმა 20/20-ის აღმასრულებელი დირექტორი თენგიზ თევზაძე წარუდგინა.
