გერმანიის საზღვაო-სამხედრო ძალების მეთაური, ვიცე-ადმირალი კაი ახიმ შონბახი ყირიმის შესახებ გაკეთებული განცხადების შემდეგ გადადგა. ინფორმაციას "დოიჩე ველე" ავრცელებს.
"ახლახან მივმართე გერმანიის თავდაცვის მინისტრს დაუყოვნებლივ გამათავისუფლოს საზღვაო-სამხედრო ძალების მეთაურის მოვალეობისაგან", - ნათქვამია კაი ახიმ შონბახის განცხადებაში.
ვიცე-ადმირალმა თავის გადაწყვეტილება აუცილებლობით ახსნა, რათა თავიდან აეცილებინათ გერმანიის ფლოტის, შეიარღებული ძალებისა და ქვეყნისთვის შემდგომი ზიანი. მისივე თქმით, თავდაცვის მინისტრმა კრისტინა ლამბერხტმა მისი თხოვნა დააკამაყოფილა.
შეგახსენებთ, გერმანიის საზღვაო-სამხედრო ძალების მეთაურმა, ვიცე-ადმირალ კაი ახიმ შონბახმა ინდოეთის თავდაცვის კვლევების ინსტიტუტის მიერ ორგანიზებულ კონფერენციაზე განაცხადა, რომ ყირიმის ნახევარკუნძულს, დიდი ალბათობით, უკრაინა ვერასდროს დაიბრუნებს.
"ყირიმი წავიდა და აღარასდროს დაბრუნდება, ეს ფაქტია. ჩვენ უნდა ვიხელმძღვანელოთ რეალური მდგომარეობით და არა ემოციებით", - განაცხადა შენბახმა.
ვიცე-ადმირალმა ამავე კონფერენციაზე უკრაინისა და საქართველოს ნატოში გაწევრიანების თაობაზეც ისაუბრა. მისი თქმით, კიევი და თბილისი ნატო-ში არ უნდა მიიღონ.
"შევხედოთ საქართველოს, რომელიც ნატოში ესწრაფვის გაწევრიანებას. შეესაბამება თუ არა ის ალიანსის კრიტერიუმებს? კი. გონივრულია, თუ არა მისის ნატოს წევრად მიღება? არა", - თქვა ადმირალმა.
მოგვიანებით, ადმირალის განცხადებასთან დაკავშირებით, განარტება გააკეთა გერმანიის თავდაცვის სამინისტრომ.
უწყების განცხადებით, ადმირალს მოხსენების წარდგენა მოუწევს გერმანიის შეიარაღებული ძალების გენერალური ინსპექტორის წინაშე.
"ადმირალის განცხადება არანაირად არ შეესაბამება გერმანიის ფედერალური თავდაცვის სამინისტროს პოზიციას", - განმარტავს უწყების წარმომადგენელი.
შონბახის განცხადება მკაცრად დაგმო უკრაინის საგარეო საქმეთა სამინისტრომ, მოგვიანებით, კი უკრაინაში გერმანიის ელჩი დაიბარა.
