რუსეთის პრეზიდენტის დიმიტრი მედვედევის განცხადებით, ნატოსა და რუსეთს შორის საქართველოს საკითხი კვლავ უთანხმოების საგნად რჩება. მედვედევის თქმით, საკუთარი პოზიციის შეცვლას არც რუსეთი აპირებს და არც ნატო, თუმცა მისივე თქმით, ეს საკითხი არ უნდა გახდეს დამაბრკოლებელი და ალიანსმა და რუსეთმა დისკუსია და თანამშრომლობა უნდა გააგრძელონ. ამის შესახებ მედვედევმა ნატო-რუსეთის საბჭოს სხდომის შემდეგ გამართულ პრესკონფერენციაზე ისაუბრა.
"ნატოსა და რუსეთს შორის ურთიერთობების განვითარება ცუდი არ არის, მაგრამ ეს არ ნიშნავს, რომ ჩვენ შორის უთანხმოება აღარ არსებობს. აზრთა სხვადასხვაობა არის 2008 წლის მოვლენების შეფასების დროს, მაგრამ ჩვენ ვრწმუნდებით, რომ ეს თემა არ უნდა გახდეს დამაბრკოლებელი. ვაგრძელებთ დისკუსიას ამ საკითხთან დაკავშირებით. გვინდა, რომ დისკუსია პროდუქტიულად წარიმართოს. მზად ვართ დისკუსია გაგრძელდეს მიუხედავად იმისა, რომ ჩვენს პოზიციებზე ვრჩებით, ნატოს წევრები კი თავის პოზიციაზე", - განაცხადა მედვედევმა
