რუსეთის საგარეო საქმეთა სამინისტროს ოფიციალური წარმომადგენელი მარია ზახაროვა ეხმიანება დასავლეთის მოსალოდნელ სანქციებს, რუსეთის უკრაინაში შეჭრის შემთხვევაში.
ზახაროვას განცხადებით, მოსკოვს არ უკვირს შეერთებული შტატებისგან მოსალოდნელი სანქციების შესახებ განცხადებები და დასძენს, რომ რუსეთმა კარგად იცის, როგორ უპასუხოს ასეთ ნაბიჯებს.
"ეს უკვე კლასიკაა. ისინი სხვადასხვა გზით ცდილობენ ჩვენს გატეხვას, ჩვენი სულის გატეხვას", - ციტრებს ზახაროვას სიტყვებს რუსული სააგენტო "რია".
ცოტა ხნით ადრე, New York Times-მა გაავრცელა ინფორმაცია, ჯო ბაიდენის ადმინისტრაცია და მისი მოკავშირეები უკრაინაში რუსეთის შეჭრის შემთხვევაში განიხილავენ მოსკოვის წინააღმდეგ ახალი მკაცრი ეკონომიკური სანქციების დაწესებას.
დასავლური მედია ინფორმირებულ წყაროებზე დაყრდნობით იუწყება, რომ რუსეთი, შესაძლოა, შეიყვანონ იმ სახელმწიფოთა სიაში, რომლებსაც ყველაზე მკაცრი შეზღუდვები აქვთ დაწესებული ექსპორტის კონტროლზე. საუბარია ისეთ ქვეყნებზე, როგორებიცა: კუბა, ირანი, ჩრდილოეთ კორეა და სირია.
New York Times-ის ინფორმაციით, სანქციებს დაექვემდებარება აშშ-დან რუსეთში ელქტროტექნიკის ექსპორტი, მათ შორის საყოფაცხოვრებო, პროგრამული და ტექნოლოგიური უზრუნვეყლოფის ტექნიკის. "ეს დარტყმას მიაყენებს რუსეთის ამბიციებს მაღალი ტექნოლოგიების სფეროში, მაგალითად ხელოვნური ინტელექტის ან კვანტური გამოთვლების დარგში".