წლის მთავარი მუსიკალური პრემიის, "გრემის" დაჯილდოების ცერემონიალი, პანდემიის გამო, გაურკვეველი ვადით გადაიდო. ნათქვამია ორგანიზატორების განცხადებაში.
"ვითარების საგულდაგულო განხილვისა და ანალიზის შემდეგ, ჩვენი ქალაქის, საზოგადოებისა და არტისტების უსაფრთხოების მიზნით, ამერიკის ხმისჩამწერი აკადემიისა და ტელეკომპანია CBS-ის ერთობლივი გადაწყვეტილებით, გრემის დაჯილდოების 64-ე ცერემონიალი გადაიდო", - ნათქვამია განცხადებაში.
განცხადებაში აღნიშნულია, რომ კორონავირუსის ახალი, ომიკრონი შტამის გამო, 31 იანვარს დაგეგმილი ცერემონია "ძალიან ბევრ რისკს შეიცავდა". ახალი თარიღი მოგვიანებით გახდება ცნობილი.
დაჯილდოება ლოს ანჯელესში 31 იანვარს უნდა გამართულიყო.
2022 წლის გრემის ნომინაციები ხმისჩამწერმა აკადემიამ 23 ნოემბერს გამოცხადდა. ყველაზე მეტი, 11 ნომინაცია არტისტმა ჯონ ბატისტმა მიიღო. მას მოჰყვა Doja Cat, H.E.R. და ჯასტინ ბიბერი, რომლებმაც 8-8 ნომინაცია მიიღეს.
