- კომენტარი 04 იანვარი 2022, 19:50
ჩამოყალიბდით, სააკაშვილი ეკონომიკის განვითარების პროგრამას წერს თუ კვდება? - ბაია პატარაია
ჩამოყალიბდით, სააკშვილი ეკონომიკის განვითარების პროგრამას წერს თუ კვდება? - აქტივისტი, ორგანიზაცია "საფარის" ხელმძღვანელი, ბაია პატარაია ეხმიანება "ნაციონალური მოძრაობის" წევრის ეკა ხერხეულიძის განცხადებას.
"ჩამოყალიბდით, სააკშვილი ეკონომიკის განვითარების პროგრამას წერს თუ კვდება? და აღარ დაიწყოთ, "ხალხი ქუჩაში არ გამოდისო". რატო გამოვა? მალე ვინც გამოსულია, ისიც უკან შევა.
არასდროს ჰყოლია დამოუკიდებელ საქართველოს ისეთი ცუდი ხელისუფლება, როგორიც ახლა ჰყავს. და ოპოზიცია?
პ.ს. ადრე მეგონა, პოლიტიკოსები სხვებზე ჭკვიანები იყვნენ, და რომ უბრალოდ მე არ მესმოდა რაღაცეები; თურმე მათ არ ესმით ელემენტარული", - წერს ბაია პატარაია.
შეგახსენებთ, დღეს, ეკა ხერხეულიძემ თქვა, რომ "მიხეილ სააკაშვილი მუშაობს ეკონომიკურ პროგრამაზე, რომელიც სიდუხჭირის დაძლევისკენ არის მიმართული".
