ნატო-ში უკრაინის შესაძლო გაწევრიანება და რუსეთის საზღვრებთან რაკეტების განთავსება შეიცავს სერიოზულ სამხედრო რისკებს, - ამის შესახებ რუსეთის საგარეო საქმეთა მინისტრმა სერგეი ლავროვმა ბოსნია და ჰერცოგოვინურ მედიას განუცხადა.
"ნატო-ში კიევის გაერთიანების კურსი ჩვენ საზღვრებთან სარაკეტო კომპლექსების განლაგების პერსპექტივით, რუსეთის უსაფრთხოებას დაუშვებელ საფრთხეს შეუქმნის", - განაცხადა ლავროვმა.
მისი თქმით, ნატო-ში უკრაინის მიღება, შესაძლოა, გახდეს ევროპაში მასშტაბური კონფლიქტის მიზეზი.
მისივე თქმით, "აშშ-ის მიერ წარმოებული არამეგობრული პოლიტიკა" რუსეთის მიმართ ქმნის ტოქსიკურ ატმოსფეროს და ხელს უშლის ურთიერთობების დალაგებას.
"ვაშინგტონთან ურთიერთობებში შეიქმნა არაჯანსაღი ვითარება. ჩვენ წინააღმდეგ ბევრი "გამაღიზიანებელი" ფაქტორი დაგროვდა. ამერიკელები ატარებენ ღია არამეგობრულ ხაზებს: აწესებენ სანქციებს, ჩვენი მისამართით ისმის ბრალდებები მტკიცებულებების გარეშე, დგამენ სხვა მტრულ ნაბიჯებს... ეს ყველაფერი კი ქმნის ტოქსიკურ ატმოსფეროს, რაც ხელს უშლის მშვიდ, საქმიან ურთიერთობებს,"- აღნიშნა ოკუპანტი ქვეყნის საგარეო საქმეთა მინისტრმა.