პარლამენტის დღევანდელი სესია დეპუტატ გია არსენიშვილის ხსოვნისადმი წუთიერი დუმილის მიგებით გაიხსნა.
საკანონმდებლო ორგანოს ვიცე-სპიკერ მიხეილ მაჭავარიანის განცხადებით, თითოეულმა დეპუტატმა კარგი მეგობარი, ქვეყანამ კი პატრიოტი დაკარგა.
"ძალიან რთულია ილაპარაკო მასზე წარსდულ დროში, დავკარგეთ მეგობარი, პატრიოტი, თავისი საქმის პროფესიონალი", - განაცხადა მაჭავარიანმა სესიის დაწყებისას.
შეგახსენებთ, რომ ადამიანის უფლებათა დაცვის კომიტეტის თავმჯდომარე გია არსენიშვილი, 68 წლის ასაკში, გულის შეტევით, 17 ნოემბერს გარდაიცვალა. მას კვირას, საბურთალოს სასაფლაოზე დაკრძალავენ.
