ჩემი ძმა არ იბრძვის თანამდებობისთვის, იბრძვის ქვეყნის მომავლისთვის, - განაცხადა მიხეილ სააკაშვილის ძმამ, გიორგი სააკაშვილმა, რომელიც რუსთაველის გამზირზე მიმდინარე საპროტესტო აქციას შეუერთდა.
მისი თქმით, ვერასდროს წარმოიდგენდა, რომ ქვეყნის აღმშენებელი პრეზიდენტი საპატიმროში აღმოჩნდებოდა.
"ჩემთვის უჩვეულო დღეა, ვერ წარმომედგინა ვერასდროს, რომ ქვეყნის აღმშენებელი პრეზიდენტი, რომელიც 2003 წელს მოვიდა ხელისუფლებაში, 9 წელი იყო მმართველობაში, ქვეყანა დაემსგავსა ქვეყანას და დღეს ასე სამარცხვინოდ, დღევანდელი მთავრობიდან გამომდინარე იმყოფება გისოსებს მიღმა. ეს ძალიან მალე უნდა დამთავრდეს და მიშა სააკაშვილი უნდა ვიხილოთ თავისუფლებაზე, რომ თავისი რესურსი მოახმაროს ქვეყნის შენებას, კეთილდღეობას, მაგრამ კიდევ ერთხელ დავაზუსტებ, რომ ჩემი ძმა არ იბრძვის თანამდებობისთვის, ქვეყნის მომავლისთვის იბრძვის", - თქვა გიორგი სააკაშვილმა.
რუსთაველის გამზირზე, პარლამენტის წინ მიხეილ სააკაშვილის მხარდასაჭერი აქცია მიმდინარეობს.