სიღნაღისა და წყალტუბოს შემდეგ კაზინოების ბიზნესის მოწყობა დაბა ბაკურიანშიც წახალისდება.
"სალიცენზიო და სანებართვო მოსაკრებლის შესახებ" კანონში შესატანი ცვლილების მიხედვით სანებართვო მოსაკრებლის გადასახადისგან თავისუფლდება სამორინეს მოწყობა დაბა ბაკურიანის ტერიტორიაზე. კანონპროექტის ავტორია ანდრო ალავიძე და ზვიად კუკავა.
კანონპროექტის ავტორთა აზრით, აღნშნული საკანონმდებლო ინიციატივის შემუშავების მზიანს წარმოადგენს დაბა ბაკურიანის ტერიტორიაზე ტურისტული და საკურორტო ინფრასტრუქტურის განვითარების ხელშეწყობა. კერძოდ სალიცენზიო და სანებართვო მოსაკრებლის შესახებ საქართველოს კანონის მე-7 მუხლის მოქმედ რედაქციით სანებართვო მოსაკრებლის გადასახდადიდან თავისუფლება სამორინეს მოწყობა წყალტუბოსა და სიღნაღის მუნიციპალიტეტების ტერიტორიაზე. შემოთავაზებული ცვლილებით კი შეღავათი ეხება სამორინეს მოწყობას ასევე დაბა ბაკურიანის ტერიტორიაზე.
კანონპროექტის მიღება ბიუჯეტის საშემოსავლო ნაწილზე გარკვეულ გავლენას მოახდენს, რადგან სამორინეს ფუნქციონირების შEდეგად გადახდილი გადასახადები და სათამაშო ბიზნესის მოსაკრებელი ბიუჯეტში ჩაირიცხება.
შეგახსენებთ, რომ დაბა ბაკურიანის ტერიტორიაზე ამ დროისათვის არცერთი სამორინე არ ფუნქციონირებს და შესაბამისი ნებართვები გაცემული არ არის.
