ირანი აზერბაიჯანთან გაზის ყიდვა-გაყიდვისა და შემდგომ მისი ევროპაში ტრანზიტის საკითხებში ხანგრძლივვადიანი თანამშრომლობისათვის მზადაა. ეს განცხადება ირანის პრეზიდენტმა მაჰმუდ აჰმადინეჯადმა დღეს ბაქოში გამართულ პრესკონფერენციაზე გააკეთა.
"ირანი ამ სფეროში ხანგრძლივვადიანი თანამშრომლობისათვის მზადაა. ჩვენ ორმხრივ საფუძველზე გაგვაჩნია შესაბამისი შეთანხმებაც, რომელიც იძლევა საშუალებას შეუფერხებელი თანამშრომლობისა", _ განაცხადა აჰმადინეჯადმა. მისივე თქმით, ევროპული ქვეყნები დაინტერესებულნი არიან ირანული გაზის შესყიდვით.
"ჩვენ არ მოვითხოვთ, რომ მათ ჩვენგან გაზი იყიდონ, იმიტომ რომ ჩვენ ისედაც ბევრი მყიდველი გვყავს. თუმცა, თუკი ევროპელებს ირანისაგან გაზის ყიდვა სურთ, მათ ამის ყველა ხელისშემშლელი ფაქტორი უნდა მოსპონ. თუკი მათ ჩვენი გაზი უნდათ, მზად ვართ მივყიდოთ მისაღებ ფასში", _ განაცხადა ირანის პრეზიდენტმა თუმცა არ დააკონკრეტა, თუ კონკრეტულად რა წინააღმდეგობები უნდა მოსპონ ევროპულმა ქვეყნებმა.
მასალის გამოყენების პირობები
