საუბარი მიდის "9М38М1" და "3М9М3" ტიპის მართვად რაკეტებზე. სკანდალური საქმის ფიგურანტი რუსულ-უკრაინული ფირმა "პარალაკსია", რომელიც გენერალური პროკურატურის მიერ ეჭვნიტანილია უკრაინელ და ქართველ სამხედროებს შორის გარიგებაში. "პარალაკსმა" კიევის ხოზიაისტვენი სასამართლოში შეძლო და დაამტკიცა, რომ "უკრობორონსერვისს" რაკეტები კანონიერად მიჰყიდა.

აღსანიშნავია, რომ გენერალურ პროკურატურა უკრაინული მხარის მიერ საქართველოს შეიარაღებული ძალბისათვის 2005 წელს სამხედრო ტექნიკისა და საბრძოლო მასალოს მიწოდების საქმეზე გამოძიებას აწარმოებს. ძალოვნები ვარაუდობენ, რომ სახელმწიფო კომპანიამ "უკრობორონსერვისმა", რომელიც სპეცსაქონლის საექსპორტო მიწოდებაზე მუშაობს, შეისყიდა საქართველოსთვის განკუთვნილი რაკეტები უკრაინა-რუსულ ფირმისგან "პარალაკსისგან". უწყებაში ამტკიცებენ, რომ ეს გარიგება უკანონო იყო, ვინაიდან "პარალაკსს" არ ჰქონდა ლიცენზია გაეყიდა როგორც საბრძოლო მასალა ისე სამხედრო ტექნიკა.

აღნიშნული გარიგების სამართლიანობა სასამართლოში გარჩევის საგანი გახდა: გენპროკურატურამ სარჩელი კიევის ხოზიაისტვენნი სასამართლოში შეიტანა და "პარალაკსსა" და "უკრობორონსერვისს" შორის შემდგარი გარიგების ბათილად ცნობა მოითხოვა. ამას გარდა, გენპროკურატურა ასევე მოითხოვს მოპასუხისგან ჯარიმის სახით 33,42 მილიონი გრივნის გადახდას. სულ მოსარჩელემ მოითხოვა ოთხი ხელშეკრულების ბათილად ცნობა, რომლებიც 2005 წლის დეკემბრიდან 2006 წლის მარტამდე იყო გაფორმებული.