„ვარდების რევოლუციამ სხვა ყველაფერთან ერთად, დაამტკიცა რომ ქრთამი და ასევე კანონიერი ქურდი არ არის ქართული კულტურის ნაწილი.“ - ამის შესახებ „ევროპული საქართველოს“ წევრმა, გიორგი კანდელაკმა ჟურნალისტებთან საუბრისას განაცხადა.
„ვარდების რევოლუცია სხვა ყველაფერთან ერთად იყო საბჭოთა კავშირთან წყვეტა და ჩვენი საზოგადოების მცდელობა, რომ ეს ჭიპლარი მოგვეჭრა, საბჭოთა ჭიპლარი, მე ასე ვიტყოდი. ახლა საქმე გვაქვს რაღაც პირუკუ ციკლთან, რევანშთან, ამის გამოხატულებაა ეს ვენდეტაც ვარდების რევოლუციების შემოქმედებთან, მათ შორის მიხეილ სააკაშვილის მიმართ, მაგრამ ამას აუცილებლად მოჰყვება ხელახალი რეფორმების ციკლი. ეროვნული გამოცდები არის ყველაზე რაღაცნაირად ჩაკარგული კოლოსალური მიღწევა ვარდების რევოლუციის, რომელმაც გარღვევა მოახდინა ჩვენს სოციალურ ქსოვილში. ვარდების რევოლუციამ სხვა ყველაფერთან ერთად, დაამტკიცა რომ ქრთამი და ასევე კანონიერი ქურდი არ არის ქართული კულტურის ნაწილი.“ - განაცხადა კანდელაკმა